ڏيپلائي عبدالرحمان

ڏيپلائي عبدالرحمان

ڏيپلائي عبدالرحمان

ڏيپلائي، عبدالرحمان: مشهور عالم ۽ اديب محمد عثمان ڏيپلائيءَ جي فرزند، اديب ۽ صحافي عبدالرحمان ڏيپلائيءَ، 4 جنوري 1946ع تي حيدرآباد ۾ جنم ورتو. مئٽرڪ 1962ع ۾ ڪيائين. ايم. اي (اسلامڪ ڪلچر) ۽ ايل. ايل. بي 1978ع ڌاري ٺٽي ڪاليج مان ڪيائين. 1968ع ۾ ٺٽي ۾ فئملي پلاننگ آفيسر مقرر ٿيو. ان کانپوءِ سوشل سيڪيورٽي کاتي ۽ ڪوآپريٽو هائوسنگ سوسائٽيءَ ۾ انسپيڪٽر مقرر ٿيو. 1974ع ۾ سنڌ روڊس ٽرانسپورٽ ڪارپوريشن ڪراچيءَ ۾ اسسٽنٽ ٽريفڪ مئنيجر ٿيو. جنهن بعد رورل ڊيولپمينٽ ڊپارٽمينٽ، سنڌ پبلڪ سروس ڪميشن ۾ 1976ع ڌاري مارڪيٽنگ آفيسر رهيو. وري فلور ملنگ ڪارپوريشن ۾ مئنيجر ٿيو، 1977ع ۾ پاسڪو ميهڙ ۽ شهدادپور ۾ ايڊيشنل ڊائريڪٽر رهيو. 1980ع کان 1988ع تائين سعودي ٽيليفون کاتي، رياض، سعودي عرب ۾ اهم عهدي تي رهيو. هن والد سان گڏجي سنڌ ٽائيمس، هفتيوار انسان، ماهوار وطن ڊائجيسٽ جاري ڪيا.
ٻه پريسون: اسلاميه پرنٽنگ پريس ۽ قرآن پرنٽنگ پريس هلايائين. رورل ڊيولپمينٽ ڊپارٽمينٽ مان 4 جنوري 2006ع تي رٽائر ٿيو. هن وقت هاءِ ڪورٽ جو وڪيل آهي. 19 جولاءِ 1985ع تي پنهنجي سؤٽ شهناز قاضيءَ سان شادي ڪيائين. اولاد ۾ ٻه پٽ ۽ چار ڌيئرون اٿس.
عبدالرحمان ڏيپلائيءَ جا مضمون ۽ ڪهاڻيون روزانه جنگ ۾ ’ناقابل فراموش‘ جي عنوان هيٺ ۽ اخبار جهان سميت روزاني عبرت جي ادبي صفحي ’تخليقڪار‘ ۾ شايع ٿيا آهن. محمد عثمان ڏيپلائيءَ جي روزانه سنڌ ٽائيمس ۾ چيف رپورٽر به رهيو.



هن صفحي کي شيئر ڪريو

داخلا ۾ استعمال ٿيل تاريخون

1946.01.04  عيسوي

عبدالرحمان ڏيپلائيءَ، 4 جنوري 1946ع تي حيدرآباد ۾ جنم ورتو.


2006.01.04  عيسوي

عبدالرحمان ڏيپلائي رورل ڊيولپمينٽ ڊپارٽمينٽ مان 4 جنوري 2006ع تي رٽائر ٿيو.



شخصيتون - ڀاڱي جون ٻِيون داخلائون

شهرالله قريشي بڪيرائي
محمد حسن جان رحه سرهندي ٽکڙائي
جوڻيجو جان محمد
امام بخش عاصم
صالح عليه السّلام
شفيق احمد مهيسر ميان
عطاءُ الله جان سرهندي پير
ثانيه مرزا
خواجه احمد عباس
الهه بخش محمدي
شخصيتون ڀاڱي جا وڌيڪ مضمون